اسلام آ باد (رپورٹنگ آن لائن) معاون خصوصی امور نوجوانان عثمان ڈار کا نے کہا ہے کہ وزیراعظم عمران خان نے پاکستان کے نوجوانوں کو قیمتی اثاثہ سمجھا ہے، کامیاب جوان پروگرام پاکستان کے نوجوانوں کے لیے شروع کیا گیا، اقتدار میں آتی ہی وزیراعظم نے نوجوانوں کو ہمت دی ، کامیاب جوان پروگرام شروع ہوا تو کرونا ملک میں آگیا، آج پاکستان کے معاشی اشاریہ آگے جارہے ہیں، پاکستان کے نوجوانوں کے لیے 100 ارب رکھے گئے، 32 ارب روپے نوجوانوں میں تقسیم کردیے گئے۔
میڈیا سے گفتگر کرتے ہوئے عثمان ڈار نے کہا کہ سندھ میں 5 ارب سے زائد کی رقم تقسیم کی گئی، پہلے فیزمیں ہم کراچی میں کام کررہے ہیں، دوسرے مرحلے میں سندھ کے مختلف اضلاع میں جائیں گے، ہم نے سندھ کے نوجوانوں سے وعدہ کیا تھا، ہم سندھ کے نوجوانوں کو تناہ نہیں چھوڑیں گے۔ عثمان ڈار نے کہا کہ سندھ کو سب سے زیادہ اسکالرشپ دی گئی، اپوزیشن لیڈر مجھے کہتے ہیں سندھ کے نوجوانوں کو آگے بڑھانا ہے، مزید 10 ارب روپے سندھ کے نوجوانوں میں تقسیم کریں گے۔ انہوں نے کہا کہ ہمارا ایک شفاف نظام ہے، نوجوانوں کو قابلیت پر پیسے تقسیم کیے جارہے ہیں، اس پروگرام میں کوئی سیاسی مداخلت نہیں، اس سال کا حدف سندھ کے لیے 10 ارب روپے ہے جس سے سندھ کے نوجوان کاروبار شروع کرسکیں گے۔
انکا کہنا تھا کہ کسی نوجوان کو کسی سفارش کی ضرورت نہیں، ماضی میں ایسے پروگرامز میں سیاسی مداخلت تھی، اس اسکیم میں 18 سے 45 سال کے نوجوان اپلائے کرسکتے ہیں، اس پروگرام کی شفافیت کے لیے آن لائن پروگرام رکھا گیا ہے۔ عثمان ڈار نے کہا کہ بینکس کے صدور سے میری ملاقات ہے، میں پاکستان کے بینکس کا مشکور ہوں کیوںکہ قرضے کی رقم کو بڑھا کر 20 لاکھ کررہے ہیں۔ عثمان ڈار نے بتایا کہ شوکت ترین صاحب اسی ہفتے کراچی تشریف لارہے ہیں، ہم کاروبار کا ایک نیٹ ورک ملک بھر میں لارہے ہیں، کراچی میں کامیاب جوان پروگرام سے لوگ کاروبار کررہے ہیں۔
انہوں نے بتایا کہ 108 یونیورسٹیز میں کامیاب جوان پروگرام مرکز بنانے کا آغاز ہوچکا ہے، ہماری حکومت نے ہیلتھ کارڈ جاری کیے ہیں، کالج یونیورسٹی کے طلبا کے لیے بھی ہیلتھ کارڈ لارہے ہیں، ہم سندھ کے نوجوانوں کو کامیاب کرنے کی کوشش کریں گے۔ عثمان ڈار نے مزید کہا کہ سندھ کے 70 ہزار نوجوانوں کو سندھ حکومت نے ٹائیگر فورس جوائن کرنے سے روکا اور اب ہم جو بھی پروگرام شروع کرنے جائیں گے سندھ حکومت اس کی مخالفت کرے گی۔
