اسلام آباد (رپورٹنگ آن لائن) وزیراعظم عمران خان سے آئی جی اسلام آباد عامر ذوالفقار کی ملاقات‘ وزیراعظم کی وفاقی دارالحکومت سے تجاوزات اور قبضہ مافیا کے خلاف سخت آپریشن کرنے کی ہدایت‘ آئی جی اسلام آباد نے قبضہ گروپوں اور تجاوزات کے خلاف کارروائیوں کی رپورٹ پیش کی۔ بدھ کو وزیراعظم عمران خان سے انسپکٹر جنرل اسلام آباد پولیس عامر ذوالفقار نے ملاقات کی۔
آئی جی اسلام آباد نے وفاقی دارالحکومت میں قبضہ مافیا اور تجاوزات کے خلاف کارروائیوں کی رپورٹ پیش کی۔ ملاقات میں آئی جی اسلام آباد نے وفاقی دارالحکومت میں قبضہ گروپوں کے خلاف آپریشن اور ان کے خلاف قانونی کارروائیوں کی تفصیلات بھی پیش کیں۔
اس موقع پر وزیراعظم نے آئی جی کو ہدایت کی کہ اسلام آباد میں تجاوزات کے خلاف آپریشن جاری رکھا جائے اور شہر کو مافیاز سے نجات دلائی جائے
