ممبئی (رپورٹنگ آن لائن)بھارتی فلموں کی اداکارہ ودیا بالن نے کہا ہے کہ بغیر ورزش کئے وزن کم کیا جاسکتا ہے تاہم اس کیلئے ڈائٹ کو جسم کے مطابق رکھنا ہوگا۔ایک انٹرویو میں اداکارہ ودیا بالن نے بتایا کہ وہ بچپن ہی سے اپنے وزن کی وجہ سے بہت ٹرولنگ کا سامنا کرتی آئی ہیں ،وزن کم کرنے کیلئے انہوں نے بیحد ڈائٹ اور ورزش کی، تاہم وہ اب یہ نہیں سننا چاہتی تھیں کہ وہ ایک موٹی عورت ہیں۔
انہوں نے بتایا کہ میں نے بغیر کوئی ورزش کیے ایک سال میں اپنا وزن اتنا کم کیا جو اس سے پہلے کبھی نہیں کرسکی۔ودیا نے بتایا کہ وہ چنائی میں ایک ہیلتھ گروپ سے ملیں جس نے ان کا ڈائٹ پلان تبدیل کردیا، کیونکہ میں ویجیٹیرین ہیں ہوںلئے وہ ساری زندگی سبزیوں کا استعمال کرتی آئی ہوں، تاہم ہیلتھ گروپ نے پالک اور لوکی کا استعمال ترک کروا دیا۔ودیا نے بتایا کہ سبزیاں صحت بخش ہوتی ہیں تاہم اس میں بھی استعمال اپنے جسم کے مطابق کیا جانا چاہیے۔ودیا بالن نے بتایا کہ اب لوگ مجھے دیکھ کر دنگ رہ جاتے ہیں اور کہتے ہیں کہ وہ اس سے زیادہ پتلی پہلے کبھی نہیں تھیں۔
