اسلام آباد (رپورٹنگ آن لائن)وفاقی وزیر برائے سائنس و ٹیکنالوجی فواد چوہدری نے میسیجنگ ایپ واٹس ایپ کی جانب سے پالیسی میں تبدیلی مؤخر کرنے کے فیصلے کو درست قدم قرار دیدیا ہے۔
سوشل میڈیا سائٹ ٹوئٹر پر جاری اپنے حالیہ پیغام میں فواد چوہدری نے لکھا کہ واٹس ایپ کا پرائیویسی پالیسی میں تبدیلی مؤخر کرنے کا فیصلہ درست سمت میں قدم ہے۔
انہوں نے لکھا کہ فیس بک جیسی کمپنیاں بہت بڑی آبادی کو متاثر کرتی ہیں لہذا اہم ہے کہ ڈیٹا کی سیکیورٹی جیسے فیصلے صارفین کے علم میں ہوں۔وفاقی وزیر نے کہا کہ ڈیٹا اور پرائیویسی ہر صورت میں یقینی بنائی جائے۔
