آکلینڈ(رپورٹنگ آن لائن)نیوزی لینڈ کی نامور آل راؤنڈر صوفی ڈیوائن(Sophie Devine) نے ون ڈے انٹرنیشنل کرکٹ سے ریٹائرمنٹ کا اعلان کر دیا ہے۔
ڈیوائن نے 2006 میں محض 17برس کی عمر میں بین الاقوامی ڈیبیو کیا تھا۔انگلینڈ کے خلاف ورلڈ کپ میچ ان کے کیریئر کا آخری ون ڈے تھا۔ڈیوائن نے 2011 اور 2012 کے دوران دو سال کے لیے کرکٹ سے وقفہ لیا.
جب وہ نیوزی لینڈ ہاکی ٹیم کی نمائندگی کر رہی تھیں۔انہوں نے 159 ون ڈے میچز میں4279 رنز بنائے اور 111 وکٹیں لیں۔واضح رہے نیوزی لینڈ آئی سی سی ویمنز ورلڈ کپ سے باہر ہو چکا ہے، کیویز سات میچز میں سے صرف ایک میچ میں کامیابی حاصل کرسکے۔
