اسلام آباد(رپورٹنگ آن لائن)چیئرمین وزیراعظم یوتھ پروگرام رانا مشہود احمد خان نے کہا ہے کہ نیشنل یوتھ ایمپلائمنٹ پلان ایک جامع منصوبہ ہے جس کے تحت نوجوانوں کو ٹر یننگ سے ملازمت کے مواقع تک حکومتی سرپرستی حاصل ہو گی۔
منگل کوجاری بیان میںرانا مشہود احمد خان نے کہا کہ نیشنل یوتھ ایمپلائمنٹ پلان تشکیل کے آخری مراحل میں ہے، وزیراعظم کی ہدایت پر نوجوانو ں کو روزگار کے مواقع فراہم کرنے کیلئے کوشاں ہیں .
یہ ایک جامع منصوبہ ہے جس کے تحت نوجوانوں کو ٹر یننگ سے ملازمت کے مواقع تک حکومتی سرپرستی حاصل ہو گی،پلان میں اندرون ملک اور بیرون ملک ملازمت کے مواقع شامل ہیں۔
انہوںنے کہاکہ نوجوانوں کی فلاح و بہبود وزیراعظم محمد شہباز شریف کی اولین ترجیح ہے جس پر عملدرآمد کیلئے کوشاں ہیں۔
