اسلام آباد(رپورٹنگ آن لائن) پاکستان مسلم لیگ (ن) کے رہنما سابق وزیراعظم شاہد خاقان عباسی نے کہا ہے کہ مجھ پر بے بنیاد الزامات لگائے جارہے ہیں، وزیراعظم اور چیئرمین نیب ایک بھی الزام ثابت کرکے بتائیں، ہم نیب سے گھبراتے ہیں نہ ہی ڈرنے والے ہیں،
کیس کی سماعت کے بعد میڈیا سے بات کرتے ہوئے انہوں نے کہا نیب کی حقیقت بچہ بچہ جانتا ہے، 2 سال سے کسی حکومتی شخصیت کے خلاف انکوائری نہیں کی گئی، حقیقت بتا رہا ہوں کہ یا نیب چلا لیں یا ملک چلا لیں ۔ شاہد خاقان عباسی کا کہنا تھا کہ عمران خان ایک سلیکٹڈ وزیر اعظم ہیں،
ملک میں مہنگائی ہے، گندم اور چینی کی قیمتیں کہاں سے کہاں پہنچ گئیں، ملک پر تاریخ کی کرپٹ ترین حکومت مسلط ہے، ہر دو نمبر آدمی وزیر یا مشیر بنا ہوا ہے، کیا ملک ایسے چلتا ہے۔
