لاہور (رپورٹنگ آن لائن)پاکستان کرکٹ بورڈ (پی سی بی) نے نئے ڈومیسٹک اسٹرکچر کے لیے ریجنل صدور کو (آج) بدھ کو لاہور بلالیا۔
ذرائع کے مطابق ڈومیسٹک کرکٹ ڈھانچے پر بات کے لیے اجلاس (آج) بدھ کو لاہور میں ہوگا، جس کیلئے پی سی بی نے تمام 12 منتخب ریجنل صدور کو اجلاس میں بلایا ہے۔
اجلاس میں ٹیکنیکل کمیٹی کے اراکین اور ڈائریکٹر کرکٹ آپریشن بھی ہوں گے۔ذرائع کے مطابق پی سی بی کی جانب سے ریجنز کو نئے ڈومیسٹک اسٹرکچر پر پریزینٹیشن دی جائے گی۔واضح رہے کہ پاکستان کرکٹ بورڈ میں رواں ہفتے اہم فیصلے کیے جانیکا امکان ہے۔
ذرائع کے مطابق کرکٹ بورڈ کی مینجمنٹ کمیٹی کے سربراہ ذکا اشرف کرکٹ ٹیکنیکل کمیٹی کے فیصلوں اور تجاویزکی منظوری دیں گے۔اس کے علاوہ آئندہ ہفتے ڈومیسٹک کرکٹ اسٹرکچرکا اعلان کیاجائیگا، ریجنز کیساتھ ڈپارٹمنٹل کرکٹ بحال ہوگی، ذرائع کے مطابق قومی کرکٹ سلیکشن کمیٹی کا اعلان بھی کیے جانیکا امکان ہے۔
