لاہور(رپورٹنگ آن لائن ) گورنرپنجاب چوہدری محمد سرور نے کہا ہے کہ نیا پاکستان ہاوسنگ اسکیم کے تحت بلاتفریق ہر ایک کو اپنا گھر ملے گا، پہلے کم آمدن والوں کے گھروں کے لیے کسی نے نہیں سوچا تھا۔ تفصیلات کے مطابق گورنرپنجاب چوہدری محمد سرور سے صوبائی وزیرہاوسنگ میاں محمودالرشید نے ملاقات کی۔
اس موقع پر گورنر کا کہنا تھا کہ وزیرعظم عمران خان کی قیادت میں ملک فلاحی ریاست بنےگا، نیاپاکستان ہاسنگ میں بلاتفریق ہرایک کو اپنا گھر ملے گا، پنجاب میں بھی نیاپاکستان ہاسنگ اسکیم پر کام جاری ہے۔ میاں محمودالرشید نے عزم ظاہر کیا کہ نیاپاکستان ہاسنگ میں شفافیت ہرصورت یقینی بنائیں گے۔
پنجاب کے گورنر کا کہنا ہے کہ ایس اوپیز پر عمل نہ کرنے والے خود کورونا کو ویلکم کررہے ہیں، ماسک سمیت دیگرحفاظتی اقدامات نہ کرنا جان سے دشمنی ہے۔ انہوں نے مزید کہا کہ کورونا کا شکار ہونا ہے یا بچنا ہے فیصلہ ہر فرد کے ہاتھ میں ہے، کوروناگلی محلوں میں پھیل رہا ہے بچا احتیاط سے ممکن ہے، آج کورونا کا چیلنج پوری دنیا میں ہے۔
گورنرپنجاب اور میاں محمودالرشید نے عوام سے کورونا ایس اوپیز پر ہر صورت عمل کرنے کی اپیل کردی۔ صوبائی وزیرہاوسنگ کا کہنا تھا کہ کورونا سے بچا کے لیے ہر پاکستانی کو ایس اوپیز پر عمل کرنا ہوگا۔
