اسلام آباد (رپورٹنگ آن لائن)گورنر خیبرپختونخوا فیصل کریم کنڈی نے بلوچستان میں پنجاب سے تعلق رکھنے والے افراد کی انڈین سرپرستی میں چلنے والے دہشت گرد گروہ کے ہاتھوں قتل کو ظلم بربریت قرار دیا .
اپنے ایک بیان میں انہوں نے کہا کہ انڈیا جنگ میں عبرتناک شکست کے بعد اپنے پالتوں کے ہاتھوں پاکستان میں بدامنی میں مصروف ہے مگر یہاں بھی اسے عبرتناک انجام کا سامنا کرنا پڑے گا انہوں نے کہا کہ خیبرپختونخوا کے عوام شہید ہونے والے پنجابی بھائیوں کے ورثاء کے غم میں برابر کے شریک ہیں انہوں نے کہا کہ قومیت کی بنیاد پر بیگناہوں کو قتل کرنا بزدل.
حواس باختہ دشمن کی دم توڑتی سازشوں کا شاخسانہ ہے ریاست ایسے مٹھی بھر عناصر کو سختی سے کچلے گی اور اس مشن میں پوری قوم ریاست اور ریاستی اداروں کے ساتھ ہے۔
