اسلام آباد (رپورٹنگ آن لائن)حکومت کی جانب سے نوجوانوں کو بااختیار روزگار فراہم کرنے کی کوششیں مزید تیز ،قرضوں کی تقسیم کا عمل تیز، روزگار حاصل کرنے والے نوجوانوں کی تعداد میں اضافہ ہوگیا ،روزگار حاصل کرنے والے نوجوانوں کی تعداد 30 ہزار کے قریب پہنچ گئی،وفاقی حکومت نے تازہ ترین اعداد و شمار آئندہ چند روز میں جاری کرنے کا فیصلہ کرلیا ،کامیاب جوان پروگرام کے ذریعے اب تک 25 ارب روپے کا قرض منظور کیا گیا،کراچی کا نوجوان محمد جنید بھی ہزاروں خوش نصیب نوجوانوں میں شامل ہیں ،جنید 15 سے 20 دن میں 70 ہزار روپے تک ماہانہ کمانے لگا،سربراہ کامیاب جوان پروگرام نے جنید کی ویڈیو ٹویٹ کر دی۔
نوجوانوں سے کامیاب جوان لون اسکیم سے فائدہ اٹھانے نے اپیل کی ہے ۔ عثمان ڈار نے کہاکہ کراچی کا نوجوان صرف 15 سے 20 دن میں ماہانہ 70 ہزار روپے تک کمانے کے قابل ہوا، کامیاب جوان پروگرام کے ذریعے ہزاروں نوجوان اپنے روزگار کا خواب پورا کر چکے ہیں۔ عثمان ڈار نے کہاکہ حکومت کے اس مثالی تعاون سے ہر نوجوان فائدہ اٹھا سکتا ہے، آج ہی کاروبار کی منصوبہ بندی کر کے قرض کیلئے بینک میں درخواست دیں، قرض کی تقسیم کے اپنے طے شدہ ہدف کے بہت قریب پہنچ چکے ہیں، آئندہ چند دنوں میں مکمل رپورٹ عوام کے سامنے پیش کروں گا
