اسلام آباد (رپورٹنگ آن لائن) پاکستان مسلم لیگ (ن)کی ترجمان مریم اورنگزیب نے کہا ہے کہ نواز شریف کو کسی قسم کا حب الوطنی کا سرٹیفیکیٹ نہیں چاہیے ،اگر یہ غداری کا سلسلہ بند نہ ہوا تو پھر ہم نام لے لے کر بتائیں گے،پاکستان عوام کے ووٹوں کی چوری کر نے والے غدار ہیں ،غداری کے فتووے فاطمہ جناح، حسین شہید سہروردی، ذوالفقار علی بھٹو، بے نظیر بھٹو، نواز شریف، احمد فراز اور عاصمہ جہانگیر کو دیئے گئے ،ملک کا وزیر اعظم جو گفتگو کرتا ہے ،اسے پوچھیں اس کا ایجنڈا کیا ہے ؟کرائے کے ترجمان اور ٹٹو خود کتنے محب وطن ہیں انکے بارے میں عوام جانتے ہیں ،ہم کسی کو غداری کا سرٹیفکیٹ نہیں دیں مگر تاریخ میں سب کچھ درج ہوگا ،پیمرا کا ایک غیر قانونی اور غیر آئینی سرکلرز جاری کیا گیا جسے نہیں مانتے ۔
پریس کانفرنس سے خطاب کرتے ہوئے انہوںنے کہاکہ چور ٹولہ اس وقت ملک میں مسلط ہے ،ایک ایسا ٹولہ جس نے عوامی حقوق ختم کر کے ملک پر طاقت کے ذریعے انتقال پر مبنی سیاست کر رہا ہے۔۔ انہوںنے کہاکہ سیاسی قائدین کو غدار اور انڈین ایجنٹ قرار کہا جا رہا ہے ،کرائیے کے ترجمانوں کو منظم طریقے سے نواز شریف کی عزت اور وقار کو نقصان پہنچانے کیلئے صبح سے شام شور کر رہے ہیں ۔ انہوںنے کہاکہ خود دوسرے ملکوں کی شہرت لے کر یہاں پاکستان سے وفاداری کی ناکام کوشش کر رہے ہیں۔
انہوںنے کہاکہ آج حکمران کہتا تھا کہ مودی وزیراعظم بنے گا تو کشمیر کامسئلہ حل ہو گا ۔ انہوںنے کہاکہ قوم نے دیکھا کہ سقوط کشمیر ہوا ،غدار کہتے ہیں نواز شریف کو ؟۔ انہوںنے کہاکہ پاکستان کے عوام کے ووٹوں کی چوری کرنے والے غدار ہیں۔مریم اورنگزیب نے کہاکہ اداروں کو سیاست میں گھسیٹ کر اپنی سیاست کر رہے ہیں ۔
انہوںنے کہاکہ سبھی کا خون شامل ہے پاکستان کی مٹی میں یہ پاکستان کسی کے باپ کا نہیں سب کا ہے سب نے قربانیاں دی ہیں۔مریم اورنگزیب نے کہاکہ نواز شریف کے خلاف اگر الزامات بند نہ کیے تو ہم بھی جواب دیں گے ۔ انہوںنے کہاکہ ملک کا وزیر اعظم جو گفتگو کرتا ہے اسے پوچھیں کہ اس کا ایجنڈا کیا ہے ؟۔ انہوںنے کہاکہ اس وقت ملک منظم کرپٹ ٹولہ مسلط ہے اس لیے عوام کو ریلیف نہیں دینا ،آر ٹی ایس کو بٹھاکر اس کرپٹ ٹولے کو ملک پر مسلط کیا گیا جو قومی سلامتی کیلئے بڑا خطرہ ہے ۔
انہوںنے کہاکہ یہی کرپٹ عناصر کبھی سیاست دانوں کو، کبھی بیورو کریٹس اور کبھی میڈیا کو انتقامی کارروائیوں کا نشانہ بناتا ہے ،سیاسی مخالف کو غدار قرار دینے کا بیانیہ بھی اسی ٹولے نے استعمال کیا ،اب تحریک انصاف کی بجائے کرائے کے ترجمان نواز شریف کے پیچھے لگا دیئے گئے ہیں ،یہ حکومت اب ہمارے لیے غیر متعلقہ ہوچکی ہے، کرائے کے ترجمان اور ٹٹو خود کتنے محب وطن ہے انکے بارے میں عوام جانتے ہیں ،قوم ان سے سوال کرے کہ وہ شخص جس نے ملک کو ایٹمی قوت بنایا ۔ انہوںنے کہاکہ وہ شخص جو وزیراعظم تھا تو واجپائی پاکستان آئے کیونکہ اس وقت ملکی سلامتی مضبوط تھی ،پاکستان ایٹمی قوت بن چکا تھا اور ہمسائیہ ممالک کی مجبوری تھی کہ وہ یہاں آتے ۔
انہوںنے کہاکہ نواز شریف نے کبھی ملک اور قوم کی عزت پر کوئی سمجھوتا نہیں کیا ۔ انہوںنے کہاکہ مودی چل کر پاکستان آیا اور اس وقت پاکستان ایٹمی اور معاشی طور پر مضبوط تھا ،اس وقت پاکستان مین سیاست، معیشت اور عوام مضبوط تھے ،اب ملک پر سلیکٹڈ وزیراعظم مسلط ہے اور مودی کے جیتنے پر کشمیر کا مسئلہ حل کرنے کی بات کرتا ہے ،اس کے بعد سقوط کشمیر ہوجاتا ہے اور انسانی حقوق پامال کردیئے جاتے ہیں اور مودی کو فون کیا جاتا ہے مگر وہ فون تک نہیں اٹھاتا، اب کس کو غدار قرار دیا جائے ۔
انہوںنے کہاکہ ہم کسی کو غداری کا سرٹیفکیٹ نہیں دیں مگر تاریخ میں سب کچھ درج ہوگا ۔ انہوںنے کہاکہ جب مودی فون نہیں اٹھاتا تو موجودہ۔کابینہ میں ماتم شروع ہوجاتی ہے ،غداری کے فتووے فاطمہ جناح، حسین شہید سہروردی، ذوالفقار علی بھٹو، بے نظیر بھٹو، نواز شریف، احمد فراز اور عاصمہ جہانگیر کو دیئے گئے ، جس نے امریکہ اور ایران میں بیٹھ کر پاک فوج پر القاعدہ بنانے کا الزام لگایا ، تو بتایا جائے غدار کون ہے ؟،عدلیہ کے خلاف بات ٹاک شو میں بات کی مگر کوئی پوچھنے والا نہیں ،سبھی کا خون شامل ہے اس مٹی میں، کسی کے باپ کا پاکستان نہیں ،آج شہیدوں کے خون جواب مانگتا ہے، زبان بندی کا جواب دینا ہوگا ۔
انہوںنے کہاکہ نواز شریف کہہ چکے ہیں جس سیاست میں وقار اور عزت نہیں اس سیاست کی ضرورت نہیں ہے ،شہباز شریف قوم ، جمہوریت کے ساتھ کھڑا ہے اس لیے اس کو گرفتار کرلیا گیا ،جنہوں نے آٹے، چینی اور ادوایات پر ڈاکہ ڈالا وہ کابینہ میں بیٹھے ہیں ،جو منتخب وزیراعظم کی خلاف سازش کرے وہ غدار ہوتا ہے ،مشرف آئین پاکستان کا غدار ہے ، عوام فیصلہ کرچکی ہے کون غدار اور کون وفادار ہے ، نواز شریف کو کسی قسم کا حب الوطنی کا سرٹیفیکیٹ نہیں چاہیے ،اگر یہ غداری کا سلسلہ بند نہ ہوا تو پھر ہم نام لے لے کر بتائیں گے ،غدار کون ہے اور کس نے غداری کیسے کی ؟جو لوگ غداری کا بیانیہ بنارہے ہیں اصل میں ملک کے وفادار وہ نہیں ہیں ،اگر اداروں کو گندی سیاست میں گھسیٹنے کا سلسلہ بند نہ ہوا تو پھر ہم جواب دینگے ۔
انہوںنے کہاکہ پیمرا کا ایک غیر قانونی اور غیر آئینی سرکلرز جاری کیا گیا جسے نہیں مانتے ،یہ الزامات ہمارے لئے نئے نہیں ہیں، ہماری جدوجہد اب رکے گی نہیں ۔ انہوںنے کہاکہ 11 اکتوبر کو پہلا جلسہ کوئٹہ میں ہوگا اور باقاعدہ پی ڈی ایم اپنی مہم شروع ہوگی۔انہوںنے کہاکہ ہم نے عمران خان کے خالی خولی دھرنے کو بھی دکھایا ہم نے آزادی اظہار پر پابندیاں نہیں لگائیں ،ہماری لڑائی ان سے ہے جو آئینی حقوق پامال کرتے ہیں ، سلیکٹڈ مسلط کرتے ہیں اور الیکشن چوری کرتے ہیں
