لاہور(رپورٹنگ آن لائن) پاکستان مسلم لیگ(ن) کے سینئر نائب صدر و سابق وزیر اعظم شاہد خاقان عباسی نے کہا ہے کہ نوازشریف کی واپسی کا فیصلہ ڈاکٹرز ان کے صحتمند ہونے پر کریں گے ،عمران خان کے جھوٹ بولنے سے میڈیکل بورڈ کی رپورٹ کی حقیقت نہیں بدل سکتی ۔اپنے بیا میں انہوں نے کہا کہ نواز شریف کی صحت نیب کی حراست میں خراب ہوئی ،نواز شریف کا علاج پاکستان میں نہیں ہو سکتا تھا، یہ سرکاری میڈیکل بورڈ نے کا فیصلہ تھا، نواز شریف کا باہر علاج کرانے کی درخواست پنجاب حکومت نے دی تھی ،نواز شریف کو باہر جانے کی اجازت وفاقی حکومت نے دی ۔
انہوں نے کہاکہ پوری پارٹی اور پاکستانی قوم کا فیصلہ ہے کہ نوازشریف کی صحت اور زندگی پر سمجھوتہ نہیں ہوگا ۔انہوںنے کہا کہ عوام مہنگائی سے پریشان ہیں اور کرپٹ حکومت نواز شریف کی صحت پر سیاست کر رہی ہے ،آرٹی ایس اور چوری شدہ الیکشن کی پیداوار حکومت سیاسی رہنمائوں کی صحت پر سیاست کر کے خوش ہوتی ہے۔
