لاہور( رپورٹنگ آن لائن) مسلم لیگ (ن) کے سینئر نائب صدر و سابق وزیر اعظم شاہد خاقان عباسی نے کہا ہے کہ نوازشریف کی تین سرجریاں ہونی ہیں وہ اس کے بعد ہی واپس آئیں گے ،، نوازشریف کوانصاف نہیں ملااورنہ ہی ملے گا اور یہ حقیقت ہے۔ایک انٹر ویو میں انہوں نے کہا کہ نوازشریف بیمار ہیں ان کی تین سرجریاں ہونی ہیں ایک سرجری میں6سے9ماہ لگیں گے ،ایک سرجری شایدلندن میں بھی نہ ہو، ایک سرجری شایدامریکہ میں ہو اس لیے نوازشریف علاج کے بعدہی واپس آئیں گے۔
مریم نواز سے متعلق شاہد خاقان عباسی نے کہا کہ مریم نواز نے بیرون ملک جانے کی خواہش کا اظہار نہیں کیا، مریم نوازعلاج کے لئے بیرون ملک جاناچاہتی ہیں توان کاحق ہے۔پیپلزپارٹی اور پی ڈی ایم سے متعلق سوال کے جواب میں ان کا کہنا تھا کہ پیپلزپارٹی نے پی ڈی ایم کوسنجیدہ نہیں لیا ہماراشکوہ بس یہی ہے، حکومتی بینچزپربیٹھنے والے کچھ سینیٹرز نے اچانک یوسف گیلانی کوووٹ دیا، ایک اپوزیشن لیڈرکی سیٹ کیلئے حکومتی ارکان سے ووٹ لیاگیا۔
