لاہور( رپورٹنگ آن لائن)حکومت نے ملک بھر میں گندم اور آٹے کی طلب اور رسد کے درمیان توازن برقرار رکھنے کیلئے نجی شعبے کے درآمد کنندگان کو گندم کی درآمد کے 288 پرمٹ جاری کئے ہیں۔
وزارت قومی تحفظ خوراک وتحقیق کے عہدیدار کے مطابق کابینہ کی اقتصادی رابطہ کمیٹی کے فیصلے کے مطابق گندم کی درآمد کے پرمٹ جاری کئے گئے ہیں۔عہدیدار کے مطابق66 ہزار ٹن گندم لے کر پہلا جہاز آئندہ ماہ ملک پہنچے گا جبکہ 70 ہزار ٹن گندم ستمبر میں آنے کی توقع ہے۔
گندم کی مزید دو کھیپوں کی خریداری کا عمل جاری ہے جو مقامی منڈی میں گندم کی طلب اور رسد کو مزید مستحکم کرنے کیلئے شیڈول کے مطابق پاکستان پہنچیں گی۔
