لاہور (رپورٹنگ آن لائن) پاکستان مسلم لیگ ن کے رہنما خواجہ سعد رفیق نے کہا ہے کہ ناموس رسالت پر پارلیمنٹ کا مشترکہ اجلاس بلایا جائے، وزیراعظم کو اسلامی ممالک کے سربراہان سے خود رابطہ کرنا چاہیے، دفتر خارجہ فعال کردار ادا کرے، ناموس رسالت کے حوالے سے او آئی سی کا اجلاس بلایا جائے۔
میڈیا سے گفتگو کرتے ہوئے لیگی رہنما سعد رفیق نے کہا نبی کریمﷺ کی ناموس کا معاملہ ہو یا دہشتگردی کا مقابلہ کرنے کی بات ہو، ان ایشوز پر ہم ایک ہیں، ایک ریاست کے صدر کی گستاخانہ خاکوں کی حمایت ریاستی دہشتگردی ہے، پاکستان کو اس معاملے پر آواز اٹھانی چاہیے، عالمی برادری کو اختلافات بالائے طاق رکھ کر اس معاملے پر متفق ہونا چاہیے۔
سعد رفیق کا کہنا تھا پاکستان میں دہشتگرد پھر سر اٹھا رہے ہیں، ان کا سر کچلنے کیلئے اقدامات کئے جائیں، دہشت گرد ہماری سکیورٹی اداروں کو بھی نشانہ بنا رہے ہیں، دہشت گردوں کے خلاف کاروائی بلا تفریق جاری رکھنی چاہیے۔
