لاہور(رپورٹنگ آن لائن) پاکستان ٹی ٹوئنٹی ٹیم کے وائس کیپٹن شاداب خان نے کہا ہے کہ نائب کپتانی کی ذمہ داری ملی ہے، اس ذمہ داری کو اچھے سے نبھاؤں گا۔
نیوزی لینڈ روانگی سے قبل گفتگو کرتے ہوئے قومی ٹی 20 ٹیم کے نائب کپتان شاداب خان نے کہا کہ اللہ کا شکر ادا کرتا ہوں دوبارہ قومی ٹیم میں موقع ملا، جو ہمیں ٹیم مینجمنٹ کی طرف سے ٹاسک دیا گیا ہے امید ہے اس پر پورا اتریں گے۔شاداب خان نے کہا کہ ہماری اس ٹیم میں کافی نوجوان کھلاڑی ہیں، ٹیم کو مثبت رزلٹ ملیں گے، کسی بھی نوجوان کھلاڑی کیلئے اعزاز کی بات ہوتی ہے وہ اپنے ملک کی نمائندگی کرے۔
پاکستانی آل رائونڈر کا کہنا تھا کہ ہماری ٹیم میں کافی نوجوان کھلاڑی ایسے ہیں جو پہلی بار سلیکٹ ہوئے ہیں، ہمیں اپنے نوجوان کھلاڑیوں سے کافی امیدیں ہیں، امید ہے اچھے نتائج ملیں گے۔
