اسلام آباد (رپورٹنگ آن لائن)وزیر مملکت و معاون خصوصی حذیفہ رحمان نے کہا ہے کہ میں الیکشن کمیشن سے غیرمشروط معافی مانگتا ہوں۔
پیر کو ضمنی انتخابات میں ضابطہ اخلاق کی خلاف ورزی کے معاملے پر وزیر مملکت و معاون خصوصی حذیفہ رحمان الیکشن کمیشن کے سامنے پیش ہو ئے۔حذیفہ رحمان نے الیکشن کمیشن کو بتایا کہ میں ایک میوزیکل کنسرٹ میں گیا تھا مہم میں حصہ نہیں لیا، متعلقہ امیدوار سے میرے اختلافات ہیں۔
انہوں نے کہا کہی میں نے متعلقہ امیدوار کے لیے انتخابی مہم میں حصہ نہیں لیا، میں الیکشن کمیشن کے احترام میں خود پیش ہوا ہوں۔انہوںنے کہاکہ میں نہیں چاہتا کہ آئین و قانون کی خلاف ورزی ہو۔الیکشن کمیشن نے حذیفہ رحمان کو جواب جمع کرانے کی ہدایت کر دی۔
