کراچی (رپورٹنگ آن لائن)پاکستان شوبز انڈسٹری کی معروف گلوکارہ و اداکارہ میشا شفیع نے مداحوں کو اپنی نئی فلم موسٹیچ کی پہلی جھلک دِکھادی ہے۔میشا شفیع نے انسٹاگرام پر نئی فلم موسٹیچ سے اپنی ایک نئی تصویر شیئر کی ہے۔اس تصویر میں انہیں لانگ کوٹ کے ساتھ سر پر اسکارف پہنے ہوئے کافی سنجیدہ انداز میں دیکھا جاسکتا ہے۔
انہوں نے یہ تصویر شیئر کرتے ہوئے لکھا کہ یہ فلم موسٹیچ کی پہلی جھلک ہے، میں یہ اعلان کرتے ہوئے بہت پرجوش ہوں کہ یہ خوبصورت فلم جو کہ میں نے بہت سارے خوبصورت اور محنتی لوگوں کیساتھ کی تھی، اس سال ممتاز ساوتھ بائے ساوتھ ویسٹ فیسٹیول میںنیریٹیو فیچر کومپیڈیشن سیکشن میں منتخب ہوگئی ہے۔
