لاہور( رپورٹنگ آن لائن)پنجاب میں مکئی کی قیمتیںسیزن کے آغاز کے مقابلے میں64فیصد اضافے سے2200 روپے فی من سے بڑھ کر 3600 روپے فی من تک پہنچ گئیں۔
میڈیا رپورٹ کے مطابق سیزن کے آغاز پر مکئی کی قیمت تقریباً 2000 سے 2,200 روپے فی من تھی تاہم اب 3600 روپے فی من پر بھی بہتر معیار کی مکئی دستیاب نہیں ۔مکئی کو پولٹری کی خوراک کے طور پر استعمال کیا جاتا ہے جس کی وجہ سے اس کی قیمت بڑھنے کا بھی خدشہ پیدا ہو گیا ہے ۔
مکئی پولٹری فیڈ کا سب سے اہم جزو ہے او رمطالبہ کیا جارہا ہے کہ کم از کم 3 لاکھ میٹرک ٹن مکئی کی فوری درآمد کی اجازت دی جانی چاہیے اور اس پر ریگولیٹری ڈیوٹی ختم کی جانی چاہیے۔
