اسلام آباد (رپورٹنگ آن لائن) وفاقی وزیر سائنس اینڈ ٹیکنالوجی فواد چوہدری نے کہا ہے کہ ڈیپ اسٹیٹ پر انحصار بری بات ہے اور مولانا سب سے بڑی ڈیپ اسٹیٹ کے پاس گئے۔
سماجی رابطے کی ویب سائٹ ٹوئٹرپر وفاقی وزیر سائنس اینڈ ٹیکنالوجی فواد چوہدری نے مولانا فضل الرحمن پر تنقید کے نشتر چلاتے ہوئے کہا کہ مولانا فضل الرحمن 1988 سے 2010 تک ہر حکومت کا حصہ رہے۔ فواد چوہدری نے کہا کہ ڈیپ اسٹیٹ پر انحصار بری بات ہے اور مولانا فضل الرحمن سب سے بڑی ڈیپ اسٹیٹ کے پاس گئے۔ انہوں نے کہا کہ مولانا نے فرمائش کی تھی کہ مجھے وزیر اعظم بنائیں ہم آپ کےلئے حاضر ہیں۔
وفاقی وزیر سائنس اینڈ ٹیکنالوجی کا اپنے ٹوئٹ میں مولانا کو مخاطب کرتے ہوئے مزید کہنا تھا کہ پاکستان میں ہوں تو جنگ بیچتے ہیں امریکا کو شدت پسندی کا علاج، حکیم ہو تو ایسا۔
