اولڈ ٹریفورڈ(ر پورٹنگ آن لائن)قومی ٹیم کے اوپنربلے باز عابد علی نے کہا ہے کہ موسم کی مداخلت بھی ٹیم کی بیٹنگ
متاثر کرنے کا سبب بنی۔انگلینڈ اولڈ ٹریفورڈ سے ویڈیو کانفرنس میں انہوںنے کہا کہ فواد عالم پاکستان کے لیے کھیل رہے ہیں،
ہر کوئی چاہتا ہے کہ وہ ٹیم کے لیے رنز بنائے، ان کے آوٹ ہونے کا شائقین کی طرح ہم سب کو بھی دکھ ہوا۔
عابد علی نے کہا کہ انگلش کنڈیشنز کا پہلا تجربہ ہے، انہیں اپنے لیے چیلنج سمجھتا ہوں، کوچز نے اچھی تیاری کروائی،
بہتر کارکردگی دکھانے کی کوشش کررہا ہوں، نئی گیند کا سامنا کرتے ہوئے کریز پر قیام طویل کرنے کے لیے کوشاں رہا،
60 پر آوٹ ہونے پر مایوسی ہوئی تاہم کرکٹ میں ایسا ہوتا ہے، منیجمنٹ کی جانب سے بڑا اعتماد دیا گیا ہے،
کوئی دباومحسوس نہیں کرتا۔
