لاہور (رپورٹنگ آن لائن) وزیراعلیٰ پنجاب سردار عثمان بزدار نے کہا ہے کہ ملک کو استحکام کی ضرورت ہے انتشار کی نہیں‘اپوزیشن نے اپنے غیر جمہوری طرز عمل کو بے نقاب کر دیا ‘عوام بخوبی جانتے ہیں کہ انتشار کون پھیلا رہا ہے اور بے لوث خدمت کون کر رہا ہے‘عاقبت نااندیش عناصر صرف سیاست برائے اقتدار کیلئے ملک و قوم کی تقدیر کو داو¿ پر لگا رہے ہیں‘کسی کو ملک کے تابناک مستقبل سے نہیں کھیلنے دیں گے۔تفصیلات کے مطابق لاہور میں وزیراعلیٰ پنجاب سردار عثمان بزدار سے اراکین صوبائی اسمبلی کی ملاقاتیں ہوئی ہیں۔
صوبائی وزیر اسد کھوکھر،،غضنفر عباس چھینہ، سردار شہاب الدین، حنیف پتافی، غزین عباسی، نذیر احمد خان اور سید افتخار گیلانی نے ملاقاتیں کیں۔ وزیراعلیٰ پنجاب عثمان بزدار نے کہا ہے کہ اپوزیشن نے اپنے غیر جمہوری طرز عمل کو بے نقاب کر دیا ہے، عوام بخوبی جانتے ہیں کہ انتشار کون پھیلا رہا ہے اور بے لوث خدمت کون کر رہا ہے۔عثمان بزدار نے کہا کہ عاقبت نااندیش عناصر صرف سیاست برائے اقتدار کیلئے ملک و قوم کی تقدیر کو داو¿ پر لگا رہے ہیں۔انہوں نے کہا کہ موجودہ حالات میں ملک کسی بھی انارکی یا افراتفری کا متحمل نہیں ہو سکتا ، ملک کو استحکام کی ضرورت ہے انتشار کی نہیں۔عثمان بزدار نے مزید کہا کہ کسی کو ملک کے تابناک مستقبل سے نہیں کھیلنے دیں گے۔واضح رہے کہ چیف وہپ پنجاب اسمبلی ایم پی اے سید عباس علی شاہ بھی اس موقع پر موجود تھے۔
