مکو آ نہ (رپورٹنگ آن لائن)ملک میں دالوں کی قیمتوں میں اکتوبرکے دوران ماہانہ اور سالانہ بنیاد وں پر کمی ریکارڈ کی گئی ہے۔ادارہ برائے شماریات پاکستان (پی بی ایس)کے اعدادوشمارکے مطابق اکتوبر میں ملک کے مختلف شہروں میں ایک کلوگرام دال مسور کی اوسط قیمت 294.32 روپے ریکارڈ کی گئی جوستمبرکے مقابلے میں 0.36فیصد اور گزشتہ سال اکتوبرکے مقابلے میں 4.09فیصد کم ہے۔
ستمبرمیں دال مسور کی اوسط قیمت 295.39 روپے اورگزشتہ سال اکتوبرمیں 306.86 روپے ریکارڈکی گئی تھی۔ اعدادوشما ر کیمطابق اکتوبر ایک کلوگرام دال مونگ کی اوسط قیمت 383.58 روپے ریکار ڈ کی گئی جو ستمبرکے مقابلے میں 0.93فیصد کم اور گزشتہ سال اکتوبرکے مقابلے میں 7.19فیصد زیادہ ہے۔ستمبرمیں دال مونگ کی اوسط قیمت 387.18اور گزشتہ سال اکتوبرمیں 357.86 روپے ریکارڈ کی گئی تھی۔
اسی طرح اکتوبر میں دال ماش کی اوسط قیمت 448.06 روپے ریکارڈ کی گئی جو ستمبرکے مقابلے میں 0.06فیصد اور گزشتہ سال اکتوبرکے مقابلے میں 17.46فیصد کم ہے۔ ستمبرمیں دال ماش کی اوسط قیمت 448.35 روپے اور گزشتہ سال اکتوبر میں 542.87 روپے ریکارڈ کی گئی تھی اعدادوشمار کے مطابق اکتوبرمیں دال چنا کی اوسط قیمت 299.69 روپے ریکارڈ کی گئی جو ستمبرکے مقابلے میں 2.95فیصد اور گزشتہ سال اکتوبرکے مقابلے میں 27.11فیصد کم ہے۔ ستمبرمیں دال چنا کی اوسط قیمت 308.80 روپے اور گزشتہ سال اکتوبرمیں 411.18 روپے ریکارڈ کی گئی تھی۔
