اسلام آباد (رپورٹنگ آن لائن)ملک میں تیل و گیس کی پیداوار ہفتہ وار بنیادوں پر کمی ریکارڈکی گئی۔ پی پی آئی ایس اور انڈسٹری کے اعدادوشمار کے مطابق 8 اگست کو ختم ہونے والے ہفتہ میں ملک میں خام تیل کی اوسط یومیہ پیداوار 57270 بیرل ریکارڈکی گئی ہے جو پیوستہ ہفتے کے مقابلہ میں 15 فیصد کم ہے۔ پیوستہ ہفتے میں ملک میں خام تیل کی اوسط یومیہ پیداوار 67197 بیرل ریکارڈکی گئی تھی۔
اسی طرح گزشتہ ہفتے کے دوران ملک میں گیس کی اوسط یومیہ پیداوار 2922 ایم ایم سی ایف ڈی ریکارڈکی گئی جو پیوستہ ہفتے کے مقابلہ میں 7فیصد کم ہے۔ پیوستہ ہفتے میں ملک میں گیس کی اوسط یومیہ پیداوار 3146 ایم ایم سی ایف ڈی ریکارڈکی گئی تھی۔ اعدادوشمارکے مطابق گزشتہ ہفتے کے دوران او جی ڈی سی ایل کی خام تیل کی اوسط یومیہ پیداوار 26417 بیرل، پی پی ایل 7448، ماڑی گیس 942 اور پی او ایل کی خام تیل کی اوسط یومیہ پیداوار 4127 بیرل ریکارڈکی گئی۔
اسی طرح گزشتہ ہفتے کے دوران او جی ڈی سی ایل کی گیس کی اوسط پیداوار 618، پی پی ایل 529، ماڑی گیس 882 اور پی او ایل کی گیس کی اوسط یومیہ پیداوار 56 ایم ایم سی ایف ڈی ریکارڈ کی گئی
٭٭٭٭٭٭٭
