مکو آ نہ (رپورٹنگ آن لائن)ملک سے کھیلوں کے سامان کی برآمدات میں جاری مالی سال کے دوران اضافہ ریکارڈکیاگیا۔سٹیٹ بینک اور قومی ادارہ برائے شماریات (پی بی ایس)کے اعدادوشمارکے مطابق جاری مالی سال کے پہلے 4ماہ میں کھیلوں کے سامان کی برآمدات سے ملک کو151.22ملین ڈالرزرمبادلہ حاصل ہواجوگزشتہ مالی سال کی اسی مدت کے مقابلے میں 8.78فیصدزیادہ ہے،گزشتہ مالی سال کی اسی مدت میں کھیلوں کے سامان کی برآمدات کاحجم 139.01ملین ڈالرریکارڈکیاگیاتھا۔
اکتوبرمیں کھیلوں کے سامان کی برآمدات کاحجم 35.97ملین ڈالرریکارڈکیاگیا جوستمبرمیں 38.57ملین ڈالراورگزشتہ سال اکتوبرمیں 37.24ملین ڈالرتھا۔مالی سال 2025میں کھیلوں کے سامان کی برآمدات سے ملک کو408.60ملین ڈالرزرمبادلہ حاصل ہوا۔اعدادوشمارکے مطابق مالی سال کے پہلے چارماہ میں فٹ بالزکی برآمد سے ملک کو91.74ملین ڈالرزرمبادلہ حاصل ہواجوگزشتہ مالی سال کی اسی مدت کے 76.09ملین ڈالرکے مقابلے میں 20.56فیصدزیادہ ہے۔
پہلے چارماہ میں دستانوں کی برآمدات سے ملک کو24.66ملین ڈالرزرمبادلہ حاصل ہواجوگزشتہ مالی سال کی اسی مدت کے 25.84ملین ڈالرکے مقابلے میں 4.76فیصدکم ہے۔ مالی سال کے پہلے چارماہ میں کھیلوں کے دیگرسامان کی برآمدات کاحجم34.81ملین ڈالرریکارڈکیاگیا
