اسلام آ باد(رپورٹنگ آن لائن) وزیراعظم کے معاون خصوصی برائے سیاسی ابلاغ ڈاکٹر شہباز گِل نے کہا ہے کہ ملکی معیشت اور تشخص کو پامال کرنے والے آج ملک اور جمہوریت کا جھوٹا رونا رو رہے ہیں، معیشت ڈبونے والے آج معیشت پر مگرمچھ کے آنسو بہا رہے ہیں، عوام جانتی ہے کہ مہنگی ایل این جی کے پیچھے کس کے معاہدے ہیں۔
شہباز شریف کے بیان پر ردعمل دیتے ہوئے کہا کہ انہوں نے کہا کہ دنیا بھر میں بے لگام مہنگائی کے باوجود پاکستان میں اشیائے خورد ونوش اب بھی سستی ہیں، قانون شکن ہمیں قانون سکھانا بند کریں۔ شہباز گِل نے کہا کہ کورونا کے دوران دنیا کی معیشتیں تباہ ہوئیں مگر پاکستانی معیشت مستحکم ہوئی، ملکی معیشت اور تشخص کو پامال کرنے والے آج ملک اور جمہوریت کا جھوٹا رونا رو رہے ہیں،کہ نااہلوں نے 5 سال میں صفر فیصد برآمدات اضافہ کیا، ماضی میں معیشت کو برآمدات بڑھانے کے بجائے آئی ایم ایف کے قرضوں پر چلایا جاتا رہا۔
انہوں نے مزید کہا کہ نااہل لیگ نے ڈالر کو مصنوعی طور مستحکم کرنے کیلئے فارن ایکسچینج ریسروو خالی کردیا، عمران خان نے بند کارخانے چلائے اور ایکسپورٹ بڑھائی ہیں۔
