اسلام آباد (رپورٹنگ آن لائن) وفاقی وزیرداخلہ شیخ رشید احمد نے کہا ہے کہ ملکی ماحول ٹھیک ہے،ساری چیزیں طے ہو چکی ہیں بعض لوگ حساس اداروں کومتنازع بنا نے کی کوشش کر رہے ہیں۔
ہفتہ کو اسلام آباد میں میڈیا سے گفتگو کرتے ہوئے انہوں نے کہا کہ کوئی حکمران نہیں چاہتا کہ مہنگائی ہو، عالمی سطح پر مہنگائی میں اضافہ ہوا،دنیا میں تیل کی قیمتیں بڑھیں،انہوں نے کہا کہ وزیراعظم کی ہدایت پر عید میلاد النبی شایان شان طریقے سے منایا جائے گا،ڈی چو ک پر جشن عید میلادالنبی منایا جائے گا،وزیراعظم کنونشن سینٹرمیں محفل میلاد سے خطاب کریں گے۔
وزیر داخلہ نے کہا کہ افغانستان کے استحکام کے لیے ہم کوشش کررہے ہیں ،افغانستان میں امن خطے کے امن سے مشروط ہے ،افغانستان میں امن چاہتے ہیں ،دنیا افغانستان کی مدد کرے۔
