کراچی (رپورٹنگ آن لائن)مقامی کاٹن مارکیٹ میں گزشتہ ہفتے کے دوران ٹیکسٹائل و اسپننگ ملز کی انتہائی احتیاط بھری خریداری اور جنرز کی گھبراہٹ بھری فروخت کے باعث روئی کے بھا و¿میں مجموعی طور پر مندی کا عنصر رہا۔ کاروباری حجم بھی بہت کم رہا۔ دراصل روئی کی کوالٹی خراب ہونے کی وجہ سے ملز کوالٹی کاٹن کی تلاش میں رہے لیکن کوالٹی کاٹن تیار کرنے والے جنرز زیادہ بھا طلب کر رہے تھے ملز اونچے داموں پر روئی کی خریداری سے اجتناب برت رہے ہیں جس کی تین بڑی وجوہات بتائی جاتی ہے کوالٹی روئی کا بھاو¿ یارن کی Parity سے تجاوز کر چکا ہے درآمد کی ہوئی روئی کی ڈیلیوری آنا شروع ہوگئی ہے دوسری جانب اسٹیٹ بینک نے شرح سود بڑھا کر 8.75 روپے کردیا ہے مالی بحران میں بھی اضافہ ہوتا جا رہا ہے۔
بین الاقوامی کاٹن مارکیٹوں میں بھی روئی کے بھا و¿میں معمولی گراوٹ نظر آرہی ہے۔ نیویارک کاٹن کا دسمبر ماہ کا کنٹریکٹ ختم ہوچکا مارچ کنٹریکٹ سرگرم عمل ہے جو گزشتہ وعدے کے نسبت 3 تا 4 امریکن سینٹ کم ہوکر 115 امریکہ سینٹ ہوگیا تھا فی الحال مارچ وعدے کا بھاو¿ 111 امریکن سینٹ کے بھا و¿پر بند ہوا۔جمعہ کے روز اچانک افریقہ میں کرونا وائرس کی ویرئینٹ (VARIANT) اور کروڈ آئل (CRUDE OIL) کے بھاو¿ میں غیر معمولی کمی کے بعد دنیا کو ایک بڑا دھچکا لگا ہے اور اس نئی قسم نے امریکا سمیت پوری دنیا کو جھنجھوڑ دیا۔ برطانیہ یورپی یونین اور خلیجی ممالک نے اس نئی قسم کے خلاف اقدامات کرنے شروع کر دیے ہیں۔ ماہرین نے خبردار کیا ہے کہ یورپ کے بعد امریکہ میں بھی کرونا کیسز تیزی سے بڑھنے کا خدشہ ہے۔ یورپی یونین سمیت کئی ممالک نے جنوبی افریقہ اور دیگر ممالک کے لئے پروازوں پر پابندی لگا دی ہے۔
عالمی منڈیوں میں اسٹاک گرنے سے سرمایہ کاروں کو اربوں روپے کا نقصان ہوا ہے۔کورونا کی نئی لہر سے ایک بار پھر دنیا کی معیشت کو زبردست نقصان ہونے کی وجہ سے آئندہ دیگر کموڈیٹیز بھی بری طرح متاثر ہوگی جس کے باعث کاٹن اور ٹیکسٹائل سیکٹر بھی متاثر ہوگا۔دنیا بھر کی کاٹن مارکیٹیں بھی کورونا کی نئی لہر سے متاثر ہوئی نیویارک کاٹن کے بھاو¿ میں تقریبا 4 امریکن سینٹ کی نمایاں کمی واقع ہوئی ہے جس کے باعث تمام کاٹن مارکیٹوں پر منفی اثرات مرتب ہوئے ہیں اور کاٹن اور ٹیکسٹائل سیکٹر بری طرح متاثر ہونے کا امکان ہے جس کے باعث مارکیٹوں میں مندی کا رجحان بڑھتا جائے گا ٹیکسٹائل ملز بھی غیر یقینی صورتحال کی وجہ سے محتاط رویہ اختیار کریں گے اور روئی کا اسٹاک کرنے سے اجتناب برتیں گے جس کے باعث روئی کا بھا وبڑھنے کے امکانات مدھم پڑھیں گے۔
کورونا کی نئی لہر کے باعث جرمنی کے شہر فرینکفرٹ میں 11 تا 16 جنوری کو منعقد ہونے والے عالمی ٹیکسٹائل نمائش HEIMTEXTIL بھی متاثر ہونے کا خدشہ بتایاجارہا ہے پاکستان سمیت کئی ممالک کی کمپنیاں شرکت سے انکار کر رہی ہے ہو سکتا ہے کہ نمائش کو کینسل کر دیا جائے۔صوبہ سندھ میں روئی کا بھاو کوالٹی کے حساب سے فی من 14500 تا 18000 روپے پھٹی کا بھاو¿ فی 40 کلو تقریبا 300 تا 500 روپے کم ہوکر 4500 تا 7300 روپے بنولہ کا بھاومستحکم رہا۔
صوبہ پنجاب میں روئی کا بھاو فی من 16400 تا 18000 روپے پھٹی کا بھاو¿ فی 40 کلو 100 تا 200 روپے کم ہوکر 5500 تا 8200 روپے بنولہ کا بھاو¿ مستحکم رہا جبکہ صوبہ بلوچستان میں روئی کا بھاو¿ فی من 16000 تا 18000 روپے پھٹی کا بھاو¿ کم ہوکر 6200 تا 8800 روپے جبکہ بنولہ کا بھاو¿ مستحکم رہا۔کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ فی من 17500 روپے کے بھا وپر مستحکم رکھا۔
کراچی کاٹن بروکرز فورم کے چیئرمین نسیم عثمان نے بتایا کہ بین الاقوامی کاٹن مارکیٹوں میں روئی کے بھا ومیں معمولی مندی نظر آ رہی تھی لیکن جمعہ کے روز کورونا کی نئی لہر VARIANT اور CRUDE OIL کروڈ آئل کی قیمت میں 10 تا 12 امریکن ڈالر کی غیرمعمولی کمی کے باعث دنیا بھر کی کموڈیٹیز مارکیٹوں میں بھوچال آنے کی وجہ سے غیر معمولی گراوٹ آئی جس کے باعث دنیا بھر کی کاٹن مارکیٹیں بھی بری طرح متاثر ہوئیں نیویارک کاٹن کے وعدے کا بھاو¿ بھی فی پانڈ 4 امریکن سینٹ کی کمی کے ساتھ تقریبا 111 سینٹ کی نیچی سطح پر آگئی کموڈیٹیز مارکیٹوں میں آئندہ بھی کمی جاری رہنے کی توقع بتائی جاتی ہے۔
