لاہور ( رپورٹنگ آن لائن)پاکستان مسلم لیگ (ن) لاہور کے صدر و رکن قومی اسمبلی ملک سیف الملوک کھوکھر نے کہا ہے کہ وزیر اعلیٰ پنجاب مریم نواز خدمت کی سیاست میں مصروف ہیں ،قوم کی بیٹی مریم نواز نے نوجوانوں کے لیے ریکارڈ منصوبے متعارف کروا کر یہ ثابت کر دیا ہے کہ پاکستان کا آنے والا مستقبل تابندہ اور روشن ہوگا ۔
انہوںنے مسلم لیگ (ن) کے مرکزی افس میں کارکنوں سے گفتگو کرتے ہوئے کہا کہ انتشار پسند جماعت نے ملک کو اندھیروں میں دھکیل دیا تھا اور ملک کے نوجوان مایوسی کا شکار ہو چکے تھے ۔مگر وزیر اعلی پنجاب کے عوام دوست منصوبوں نے یہ ثابت کر دیا کہ وہ عوام دوست وزیراعلی ہیں اور خدمت کی سیاست ان کے خون میں شامل ہے ۔
سیف الملوک کھوکھر نے کہا کہ پاکستان مسلم لیگ (ن) کی تاریخ گواہ ہے کہ جب جب یہ جماعت اقتدار میں آئی عوام میں خوشحالی کی لہر دوڑی اور ملک ترقی کی جانب گامزن ہوا ،(ن) لیگ ایک اعتماد کا نام ہے ۔انہوں نے کہا کہ ایک انتشاری ٹولے نے ملک کا نظام تہس نہس کر کے رکھ دیا تھا افسوس کہ اس ایک سیاسی انتشار جماعت کو صرف اور صرف اپنی منفی سیاست کی فکر تھی عوام کو زندہ درگو کر دیا گیا لیکن عوام نے ایک دفعہ پھر سے مسلم لیگ (ن پر اعتماد کر کے اپنی خوشحالی کی مہر سبت کر دی ۔انہوں نے کہا کہ انشااللہ وہ وقت دور نہیں ہے جب ہر طرف خوشحالی کا دور دورہ ہوگا
