لاہور(رپورٹنگ آن لائن ) ریلوے حکام نے ملک بھرکے 2 لاکھ پنشنرز اوربیواں کو گریجوئٹی اورپنشن کی ادائیگی کے لئے سمری منظوری کے لئے وزیر اعظم کو بھجوادی ہے۔
تفصیلات کے مطابق ریلوے حکام نے کشمیرریل کے 5 ارب روپے کے فنڈز ملک بھر کے 2 لاکھ پنشنرز اور بیواں کو ان کی گریجوئٹی اور پنشن کی رقوم کی ادائیگی کے لئے فنڈز استعمال کرنے کےلئے سمری وزیراعظم کو منظوری کےلئے بھجوادی ہے تاکہ سمری منظوری کے بعد پنشنرز اور بیواں کو رقوم دی جاسکیں کیونکہ ان دنوں ملک بھرکے پنشنرز کو رقوم ادائیگی کے لئے جن مشکلات کا سامنا کرنا پڑرہا ہے۔
لاہور، کراچی،ملتان، کوٹہ،راولپنڈی، سکھر اور پشاور ڈویژن کے پنشنرز کو انکی رقوم کی ادائیگی کی جا سکیں۔ ذرائع کا کہنا ہے کہ ریلوے حکام کو ملک بھر کے تمام 2 لاکھ پنشنرز اور گرایجوٹی کی رقوم کی ادائیگی کےلئے سخت مشکلات کا سامنا ہے اسی وجہ سے ریلوے کے پنشنرز اور بیواں کو گرایجوٹی کی رقوم لینے کےلئے گزشتہ ڈیڑھ سال سے ادائیگی نہیں ہوسکی ہے اور ریلوے کی تمام ڈویژنوں کے پنشنرز اور بیوائیں ریلوے دفاتر کے چکر لگانے پر مجبور ہیں لیکن انہیں ادائیگیاں نہیں ہورہی ہیں۔
