لاہور(رپورٹنگ آن لائن)پاکستانی نژاد ریٹائرڈ برطانوی باکسر عامر خان نے کہا ہے کہ محمد وسیم بہترین فائٹر ہیں، ان کیلئے تھائی لینڈ کے باکسر کے ساتھ فائٹ ایک چیلنج ہے، وہ اس فائٹ میں فیورٹ ہیں۔
میڈیا سے گفتگو کرتے ہوئے انہوں نے کہا کہ محمد وسیم نے ٹریننگ میں بہت محنت کی ہے، ان کے پاس اسپیڈ اور پاور ہے، وسیم کیلئیاگلی فائٹ بہت آسان ہے۔باکسر عامر خان نے کہا کہ لاہور میں انٹرنیشنل باکسنگ ہو رہی ہے، یہ ایونٹ دیکھ کر بہت اچھا لگ رہا ہے، پنجاب حکومت نے بھی ایونٹ سجانے میں اہم کردار ادا کیا ہے۔
انہوںنے کہاکہ ورلڈ باکسنگ ایسوسی ایشن اچھا ٹائٹل ہے، میں نے 2008ء میں جیتا تھا، پاکستان کھیلوں میں دن بدن ترقی کر رہا ہے، باکسنگ بھی پاکستان میں فروغ پا رہی ہے، پاکستان میں باکسنگ کا مستقبل روشن دیکھ رہا ہوں۔
