اسلام آباد(رپورٹنگ آن لائن)اسلام آبادہائی کورٹ نے متنازع پیکا ایکٹ ترمیم 2025 کیخلاف درخواستیں (کل)منگل کوسماعت کیلئے مقررکردیں۔
ذرائع کے مطابق اسلام آباد ہائی کورٹ نے متنازع پیکا ایکٹ ترمیم 2025 کے خلاف درخواستیں سماعت کیلئے مقرر کر دی ہیں۔آئی ایچ سی میں جسٹس انعام امین منہاس (کل)منگل کو متنازع پیکا ایکٹ ترمیم 2025 سے متعلقہ درخواستوں پر سماعت کریں گے۔
پی ایف یو جے، سینئر صحافی حامد میر، اسلام آباد ہائی کورٹ جرنلسٹس ایسوسی ایشن نے درخواست دائر کر رکھی ہیں۔درخواستوں پر گزشتہ سماعت 4جون کو ہوئی تھی، عدالتِ عالیہ نے فریقین سے جواب طلب کر رکھا ہے۔
