اسلام آباد (رپورٹنگ آن لائن) وفاقی وزیرامور کشمیر وگلگت بلتستان کی زیر صدارت اعلی سطح کے اجلاس میں کشمیر سٹیٹ پراپرٹی کے اثاثہ جات کے حوالے سے تفصیلی بریفنگ دی گئی۔
کشمیر سٹیٹ پراپرٹی کے اثاثہ جات کی حفاظت اولین فرض ہے۔اس موقع پرعلی امین گنڈاپور نے کہا کہ اثاثہ جات کی حفاظت اور ان کے بہترین استعمال کے لئے کوئی کسر اٹھا نہ رکھیں گے، ماضی میں کشمیر سٹیٹ پراپرٹی کے اثاثہ جات کے حوالے سے مجرمانہ غفلت کا مظاہرہ کیا گیا،کشمیر سٹیٹ پراپرٹی کے افسر کو تشدد کا نشانہ بنانے والے عناصر کو کیفر کردار تک پہنچایا جائے گا ، علی امین گنڈاپورنے کہا کہ گذشتہ مالی سال میں کشمیر سٹیٹ پراپرٹی کی آمدن میں واضح اضافہ ہوا ہے،بہتر مینجمنٹ سے آمدن میں مزید اضافہ کیا جا سکتا ہے۔
علی امین گنڈاپور نےحکام کو پنجاب کی صوبائی حکومت سے مسلسل رابطہ رکھنے کی ہدایت کی۔علی امین گنڈاپور نے کہاکہ غیر قانونی قابضین کے انخلا کے لیے وزیر اعلیٰ پنجاب سے رابطہ کریں گے، نئے لیزمارکیٹ ریٹس کے لحاظ سے مرتب کیے جائے۔اجلاس میں آزادجموں وکشمیر کونسل کے زیر انتظام لاجز بلڈنگ کے بہتراستعمال کے حوالے سے انتظامی وقانونی پہلووں کا جائزہ لیا۔
اجلاس میں اسلام آباد میں گلگت بلتستان کونسل سیکرٹریٹ کی عمارت کی تعمیر کے حوالے سے امور کاجائزہ بھی لیا گیا۔ وفاقی وزیر نے کہا کہ سرکاری املاک کا استعمال وزیر اعظم عمران خان کے وژڑن کے مطابق عمل میں لایا جائے،سرکاری املاک اداروں کی آمدن میں اضافے اور اخراجات میں کمی کا سبب بنیں۔
