اسلام آباد (رپورٹنگ آن لائن)صدر مملکت عارف علوی نے کہا ہے کہ مارکیٹ ضروریات پوری کرنے کیلئے مختلف شعبوں میں آن لائن تعلیم اور تربیت فروغ دینے کی ضرورت ہے،ورچوئل یونیورسٹی کے دائرہ کار میں اضافے سے دور دراز علاقوں کے لوگ کورسز اور ای لرننگ پروگراموں سے مستفید ہو سکیں گے۔
صدر مملکت ڈاکٹر عارف علوی کو ورچوئل یونیورسٹی کے متعلق بریفنگ دی گئی ۔ اس موقع پر گفتگو کرتے ہوئے کہاکہ ملک کے دور دراز علاقوں خاص طور پر بلوچستان، سندھ، آزاد کشمیر اور گلگت بلتستان کی سہولت کیلئے ورچوئل یونیورسٹی اپنی موجودگی بڑھائے۔
صدر مملکت نے کہاکہ ورچوئل یونیورسٹی کے دائرہ کار میں اضافے سے دور دراز علاقوں کے لوگ کورسز اور ای لرننگ پروگراموں سے مستفید ہو سکیں گے۔صدر مملکت نے کہا کہ مارکیٹ ضروریات پوری کرنے کیلئے مختلف شعبوں میں آن لائن تعلیم اور تربیت فروغ دینے کی ضرورت ہے۔ ریکٹر ورچوئل یونیورسٹی ڈاکٹر ارشد سلیم بھٹی نے ملک میں ای لرننگ کے فروغ میں یونیورسٹی کے کردار اور کارکردگی پر بریفنگ دی ۔اجلاس کے دور ان بتایاگیاکہ ورچوئل یونیورسٹی نے سال 2021 میں 55 ہزار سے زائد طلباء کو داخلے دئیے۔بتایاگیاکہ یونیورسٹی مقامی ڈگری کالجز/جامعات میں کمپیوٹر لیبز قائم کر رہی ہے۔
صدر مملکت نے یونیورسٹی انتظامیہ کو عالمی معیار کے مطابق کورسز ترتیب دینے کی ہدایت کی ،صدر مملکت نے ملک میں ای لرننگ کے فروغ میں یونیورسٹی کے کردار کو سراہا۔
٭
