لاہور(رپورٹنگ آن لائن ) لاہور ہائیکورٹ نے قتل کیس میں پھانسی کی سزا پانے والے مجرم کی اپیل خارج کرتے ہوئے سزائے موت کے فیصلے کو عمر قید میں تبدیل کردیا۔
لاہور ہائیکورٹ کے جسٹس شہرام سرور چوہدری کی سربراہی میں دو رکنی بنچ نے سزائے موت کے قیدی محبوب عرف جانوکی اپیل پر فیصلہ سنایا ۔مجرم پر چودہ نومبر دوہزار اٹھارہ میں ٹھیکر ی والا ضلع فیصل آباد پولیس نے مقصود جاوید کو قتل کرنے کا مقدمہ درج کیا۔مجرم محبوب عرف جانو پر معمولی جھگڑے پر مقصود جاوید کو قتل کرنے کا الزام ہے.
ٹرائل کورٹ نے جرم ثابت ہونے پر مجرم کو سزائے موت کا حکم سنایا ، مجرم نے پھانسی کی سزا کے خلاف لاہور ہائیکورٹ سے رجوع کیا ۔ دو رکنی بنچ نے فریقین کے وکلا ء کے دلائل سننے کے بعد وجہ عناد اور آلہ قتل کی ریکوری ثابت نہ ہونے پر سزائے موت کو عمر قید میں تبدیل کردیا۔
