اسلام آباد(رپورٹنگ آن لائن)قائم مقام چیئرمین سینیٹ سیدال خان نے فیصل آباد میں کیمیکل فیکٹری کے بوائلر دھماکہ کے المناک واقعہ پر گہرے رنج و غم کا اظہار کیا ہے۔ سینیٹ سیکرٹریٹ سے جاری بیان کے مطابق انہوں نے کہا کہ صنعتی فیکٹری میں پیش آنے والا یہ حادثہ انتہائی افسوسناک اور دل دہلا دینے والا ہے جس نے کئی خاندانوں کو غم کی کیفیت میں مبتلا کر دیا ہے۔
سیدال خان نے جاں بحق افراد کے اہلِخانہ سے دلی ہمدردی اور تعزیت کا اظہار کرتے ہوئے کہا کہ مشکل کی اس گھڑی میں غمزدہ خاندانوں کے ساتھ ہیں۔ انہوں نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔قائم مقام چیئرمین سینیٹ نے زخمیوں کی جلد صحت یابی کے لئے دعا بھی کی ۔
