اسلام آباد (رپورٹنگ آن لائن)قائم مقام صدر سید یوسف رضا گیلانی سے اٹارنی جنرل آف پاکستان منصور عثمان اعوان نے منگل کو یہاں ایوان صدر میں ملاقات کی۔
ایوان صدر کے پریس ونگ سے جاری بیان کے مطابق قائم مقام صدر نے اس موقع پر گفتگو کرتے ہوئے اس اہم کردار کا ذکر کیا جو اٹارنی جنرل کا آفس حکومت کا چیف قانونی مشیر ہونے کے ناطے جمہوری اقدار کو فروغ دینے سمیت قانون کی حکمرانی کو برقرار رکھنے اور انصاف کی فوری فراہمی کو یقینی بنانے میں ادا کرتا ہے۔
اٹارنی جنرل نے صدر کو اپنے دفتر میں کی گئی مختلف اصلاحات سے آگاہ کیا اور قوم کی خدمت کے لئے اپنے مکمل عزم کا اعادہ کیا۔ قائم مقام صدر نے اس موقع پر پاکستان کے قانونی اور عدالتی نظام کو مضبوط بنانے کا اعادہ کیا۔
