اسلام آباد (رپورٹنگ آن لائن)وفاقی حکومت نے فیض آباد دھرنا کیس سے متعلق نئی کابینہ کمیٹی تشکیل دیدی۔کابینہ کی یہ کمیٹی فیض آباد دھرنے کی تحقیقات کیلئے نیا کمیشن بنانا چاہیے یا نہیں پر اپنی رپورٹ تیا ر کرے گی۔
میڈیارپورٹ کے مطابق کابینہ کمیٹی دو ہفتے میں اپنی سفارشات دے گی، کابینہ ڈویژن کی جانب سے نوٹس جاری کیا گیا ہے جس کے مطابق کمیٹی اگرنیا کمیشن بنانے کی سفارش کرتی ہے تو اس کے ٹی او آرز کا تعین بھی کرے گی۔
نوٹس کے متن کے متن کے مطابق کابینہ کمیٹی کی سربراہی وزیر قانون سینیٹر اعظم نذیر تارڑ کریں گے، وزیرداخلہ،وزیر برائے اسٹیبلشمنٹ،اٹارنی جنرل اور سیکرٹری قانون کمیٹی کے ممبران ہوں گے۔یہ کمیٹی فیض آباد دھرنا کمیشن کی رپورٹ کی روشنی میں بنائی گئی ہے جس پر سپریم کورٹ اور وزیراعظم نے عدم اعتماد کا اظہار کیا تھا۔
