لاہور(رپورٹنگ آن لائن)وزیر مملکت برائے خزانہ علی پرویز ملک نے کہا ہے کہ وزیر اعظم شہباز شریف کی قیادت میں ایف بی آر میں بہتری نظر آئے گی،فیس لیس اپریزمنٹ سسٹم گٹھ جوڑ توڑنے کے لیے ہے۔
ایک انٹر ویو میں انہوں نے کہا کہ جو لوگ قانون میں رہ کر کام کرنا چاہتے ہیں انہوں نے اس سسٹم کو سراہا ہے، یہی سسٹم اگلے 2 سے 3 مہینوں میں دیگر ٹرمینلز پر بھی نافذ ہو گا۔
انہوںنے کہاکہ پاکستان کو نئے معاشی ماڈل کی ضرورت ہے، وزیر اعظم شہبازشریف کی قیادت میں آپ کو ایف بی آر میں بہتری نظر آئے گی، کاروباری شخصیات نے اس فیس لیس اپریزمنٹ کی کاوش کو سراہا ہے۔
انہوں نے کہا کہ سلو انٹرنیٹ پر معیشت کے بارے میں جیسی تنقید ہوتی ہے ویسا ہے نہیں، ہم نے فکسڈ لائن انٹر نیٹ کی اسپیڈ کو مینٹین کیا ہے۔
