لاہور(رپورٹنگ آن لائن)پاکستانی اداکارہ فہیمہ اعوان نے ماضی میں عید کے روز شوہر کے انتقال کا دردناک واقعہ بیان کردیا۔رپورٹ کے مطابق اداکارہ و ماڈل فہیمہ اعوان کے شوہر 2022 میں عید الفطر کے پہلے روز انتقال کرگئے تھے.
انہوں نے بتایا کہ اس واقعے کے بعد اب ہرعید پر ہم دکھی ہوجاتے ہیں میری بیٹی خود کو کمرے میں بند کرلیتی ہے۔فہیمہ اعوان نے بتایا کہ وہ مکہ مکرمہ میں تھیں اور عبادت میں مشغول تھیں، جب انہیں شوہر کے انتقال کی خبر ملی۔ ماڈل اور اداکارہ فہیمہ اعوان نے کہا کہ اس سال سے میں نے عید کو روایتی انداز سے منانے کا فیصلہ کیا تھا اور اس پر عمل بھی کیا۔
فہیمہ اعوان نے بتایا کہ میں نے بیٹی سے کہا کہ اپنا پسندیدہ غرارہ نکالے، مہندی لگائے اورعید کی تیاری کرے۔اداکارہ نے بتایا کہ پھر ہم عید کے دن تیار ہوئے اور گھر والوں کو باہر لے کر گئی، ہم گھومے پھرے اور خوب مزے کئے۔ماڈل فہیمہ اعوان نے کہا کہ دل اب بھی درد سے بھرا ہوا ہے لیکن زندگی کو ایک جگہ پر جامد نہیں کیا جا سکتا۔
