لاہور (رپورٹنگ آن لائن) لاہور ہائیکورٹ نے سابق وزیر فواد چوہدری کی نو مئی کے کیسز کے چالان سمیت دیگر دستاویزات کی نقول کی فراہمی کے لئے درخواستیں خارج کر دی ۔
جسٹس شہباز رضوی کی سربراہی میں دو رکنی بنچ نے فواد چوہدری کی درخواستوں پر فیصلہ سنایا ۔عدالت نے وکلا کے دلائل مکمل ہونے پر فیصلہ محفوظ کیا تھا ۔درخواستوں میں موقف اپنایا گیا تھاکہ درخواست گزار کو نو مئی کے کیسز میں حقائق کے برعکس ملوث کیا گیا .
پراسیکیوشن نے چالان سمیت دیگر اہم دستاویزات اے ٹی سی میں جمع کرا دیئے ، ماتحت عدالت چالان سمیت دیگر اہم دستاویزات کی نقول فراہم نہیں کر رہی ۔ استدعا ہے کہ عدالت نو مئی کیسز کی مصدقہ نقول فراہم کرنے کا حکم دے ۔
