اسلام آباد (رپورٹنگ آن لائن)فاسٹ بولر حارث رئوف مکمل فٹ ہو گئے، جس کے بعد انہوں نے بولنگ کا بھی آغاز کر دیا۔
تفصیلات کے مطابق حارث رئوف میجر لیگ کرکٹ میں ہیمسٹرنگ انجری کا شکار ہوئے تھے، انہوں نے 10 روز مکمل آرام کے بعد ٹریننگ شروع کی۔
فاسٹ بولر حارث رئوف نیشنل کرکٹ اکیڈمی میں ٹریننگ جاری رکھے ہوئے ہیں، وہ ویسٹ انڈیز کے خلاف سیریز کے لیے دستیاب ہوں گے۔حارث رئوف انجری کے باعث بنگلا دیش کے خلاف سیریز کے لیے ٹیم میں شامل نہیں کیے گئے تھے۔
