کراچی (رپورٹنگ آن لائن)اسٹیٹ بینک نے اعتراف کیا ہے کہ پاکستان میں غیر ملکی سرمایہ کاری میں اضافے سے ملکی معیشت مستحکم ہوئی ہے۔
ایس آئی ایف سی کی پالیسی کی بدولت پاکستان میں براہ راست غیر ملکی سرمایہ کاری میں اضافہ ہوا ہے، اسٹیٹ بینک کے اعداد و شمار کے مطابق توانائی کے شعبے میں سب سے زیادہ غیر ملکی سرمایہ کاری ریکارڈ کی گئی۔اسٹیٹ بینک کے مطابق ستمبر میں توانائی کے شعبے میں 87 ملین ڈالرغیر ملکی سرمایہ کاری ریکارڈ کی گئی.
مالیاتی کاروبار اور شعبہ خوراک میں 66.58 اور 25.3 ملین ڈالر کی سرمایہ کاری ہوئی۔مرکزی بینک نے اپنی رپورٹ میں کہا کہ رواں مالی سال کی پہلی سہ ماہی میں شعبہ توانائی سرمایہ کاری کے ساتھ سرفہرست رہا، توانائی اور دیگر اہم شعبوں میں سرمایہ کاری سے صنعتی ترقی اور اقتصادی استحکام ممکن ہو گا۔
