سڈنی (رپورٹنگ آن لائن)آسٹریلیا کرکٹر ٹیم کے اوپنر عثمان خواجہ نے اپنی اصول پسندی کو برقرار رکھتے ہوئے صحافی پیٹر لالر سے یک جہتی کے لیے انٹرویو دینے سے انکار کر دیا۔
آسٹریلوی میڈیا کے مطابق عثمان خواجہ نے صحافی پیٹر لالور کی برطرفی کیخلاف احتجاج کے طور انٹرویو دینے سے انکار کیا، جنہیں غزہ میں اسرئیلی جارحیت کے خلاف آواز اٹھانے پر نوکری سے نکال دیا گیا تھا۔سوشل میڈیا پر آسٹریلوی بیٹر کی ویڈیو وائرل ہورہی ہے جس میں انہوں نے سین مائیک دیکھتے ہی ہاتھ کے اشارے سے انکار کیا اور خاموشی سے وہاں سے چلے گئے۔
یاد رہے کہ آسٹریلوی ریڈیو نے غزہ کے حق میں بولنے کی وجہ سے معروف کرکٹ جرنلسٹ پیٹر لالور کو نوکری سے نکال دیا تھا کیونکہ فروری میں صحافی پیٹر لالور نے غزہ کے لوگوں کیحق میں سوشل میڈیا پر بیان دیا تھا۔آسٹریلوی صحافی پیٹر لالور کو بیان دینے کے بعد ادارے نے نوکری سے فارغ کردیا گیا تھا جس پر عثمان خواجہ سوشل میڈیا پر پیٹر لالور کے حق میں بولے اور نوکری سے نکالے جانے کو تنقید کا نشانہ بنایا۔
دوسری جانب انٹرویو دینے سے انکار پر پیٹر لالور نے عثمان خواجہ کی تعریف کی اور کہا کہ عثمان خواجہ اصول پرست انسان ہیں اور مجھے نکالنیکے وقت بھی اُن کی سپورٹ قیمتی تھی۔
