مکو آ نہ (رپورٹنگ آن لائن)غریب کے لیے روٹی کھانا بھی مشکل بنا دیا گیا، فیصل آباد سمیت ملک کے مختلف اضلاع میں آٹا مہنگا ہوگیا۔ذرائع کے مطابق، فیصل آباد میں آٹے کی فی کلو قیمت میں 30 روپے کلو تک اضافہ کردیا گیا،
مہنگائی کا جن بے قابو،قیمتوں میں بے تحاشا اضافہ کے باعث پیاز، چکن اور انڈے سمیت سبزیان عوام کی پہنچ سے دور،پرائس کنٹرول مجسٹریٹس کمروں تک محدود ہو کر رہ گئے، عوامی سماجی حلقوں کا حکام بالا سے نوٹس لینے کا مطالبہ تفصیلات کے مطابق دویژنل ضلعی انتظامیہ اور پرائس کنٹرول مجسٹریٹس کی مبینہ چشم پوشی کے باعث مہنگائی کا جن بے قابو ہو چکا ہے
سردی کے باعث پرائس کنٹرول مجسٹریٹس قیمتیں و معیار چیک کرنیکی بجائے کمروں تک محدود ہو چکے ہیں اور افسران بالا کی جانب سے جاری کردہ ہدایت کے باوجود اوپن مارکیٹ میں فروخت ہونیوالے چکن اور انڈوں کی قیمتیں چیک کرنیکی بجائے سب اچھا کی رپورٹ پیش کر رہے ہیں پرائس کنٹرول مجسٹریٹس کی مبینہ آشیرباد سے مافیا نے اپنی من مرضی کے ریٹ مقرر کر رکھے ہیں اوپن مارکیٹ میں چکن کی فی کلو قیمت 700 روپے اور فی درجن انڈوں کی قیمت 360 روپے تک پہنچ چکی ہی, جبکہ سبزیوں کی قیمتوں میں بے تحاشہ اضافہ ہوچکا ہے
اس وقت پیاز کی قیمت 80روپے فی کلو ہوچکی ہے بتایا جارہاہے پاکستانی پیاز بیرون ملک جانے کی وجہ سے مہنگا ہورہاہے پاکستانی پیاز کوالٹی میں بہتر ین ہے ساتھ شدہید سردی کی وجہ سے گوبھی،میٹر،گاجرسمیت دیگرسبزوں کی قیمتوں میں بھی دو سے تین گناہ اضافہ ہوچکاہے شہریوں کا کہنا ہے کہ مہنگائی کے بوجھ تلے دبی عوام پہلے ہی دو وقت کی روٹی کو ترس چکے ہیں رہی سہی کسر چکن۔انڈوں اور سبزوں کی قیمتوں میں اضافہ نے نکال دی ہے اب تو سبزیاں،چکن اور انڈے بھی عوام کی پہنچ سے دور ہو چکے ہیں، بڑا گوشت اور بکرے گوشت غریب کی پہنچ سے پہلے باہر تھا، شہریوں کا مزید کہنا ہے
کہ پرائس کنٹرول مجسٹریٹس بھاری تنخواہوں اور مراعات حاصل کرنے کے باوجود مصنوعی مہنگائی کے مرتکب مافیا کے خلاف کارروائی سے گریزاں ہیں اور عملی طور پر کارروائیاں کرنے کی بجائے زبانی جمع خرچ تک محدود ہو چکے ہیں عوامی سماجی حلقوں نے نگران وزیر اعلی پنجاب،کمشنر،ڈپٹی کمشنر فیصل آباد اور اسسٹنٹ کمشنر فیصل آباد سے مطالبہ کیا ہے کہ چکن اور انڈوں کی قیمتوں میں اضافہ کرنیوالوں کیخلاف بلاامتیاز کریک ڈائون کیا جائے۔
آٹے کی بین الاصوبائی پابندی ختم ہونی چاہیے، پورے پنجاب میں برابری کی سطح پر گندم کوٹہ دیا جائے۔علاوہ ازیں شہریوں کا کہنا تھا کہ حکومت مقررہ نرخوں میں آٹے کی فروخت کو یقینی بنانے میں ناکام ہوچکی ہے، مہنگائی نے پہلے ہی جینا دوبھر کررکھا ہے۔
