لاہور(رپوٹنگ آن لائن)وزیر اعلی پنجاب مریم نواز شریف نے اسلام آباد میں پی ٹی آئی کے مشتعل مظاہرین کے تشدد سے کانسٹیبل کی شہادت کی مذمت کرتے ہوئے گہرے رنج اور دکھ کا اظہار کیا ہے ۔ اپنے بیان میں مریم نواز شریف نے کہا کہ احتجاج کی آڑ میں تشدد اور دہشتگردی کی اجازت نہیں، منہ توڑ جواب ملے گا۔
انہوںنے کہا کہ عوام پوچھتے ہیںکیسا پرامن احتجاج ہے،سینکڑوں پولیس اہلکاروں کو حملے کرکے زخمی کردیا گیا ، تحریک انتشارمسلح جتھے کی شکل اختیار کر چکی ہے۔
وزیر اعلیٰ پنجاب مریم نواز شریف نے کہا کہ نام نہاد احتجاج کی وجہ لوگوں کاکاروبار متاثر ہوا، لاکھوں شہریوں کو پریشانی کا سامنا کرنا پڑا ،دوسروں کو اذیت دینا اور عوام کے جان ومال پر متعین پولیس اہلکاروں پر تشدد کونسی سیاست ہے، تشدد اور دہشتگردی کا راستہ اختیار کرنے والوں سے کوئی رعایت نہیں ہونی چاہیے ۔ وزیر اعلی پنجاب مریم نواز شریف نے شہیدکانسٹیبل حمید شاہ کے اہل خانہ سے اظہار ہمدردی کیا ہے ۔
