لاہور (رپورٹنگ آن لائن) انصاف ویلفیئر ونگ کے مرکزی سیکرٹری جنرل جمشید اقبال چیمہ نے کہا ہے کہ جب تحریک انصاف کو حکومت ملی تو ملک کا دیوالیہ نکلنے والا تھا لیکن وزیراعظم عمران خان نے مشکل فیصلوں کے ذریعے معیشت کو نہ صرف سنبھالا دیا بلکہ اسے درست سمت میں گامزن کردیا ،
آج تمام عالمی ادارے وزیراعظم عمران خان کے اقدامات کو سراہا رہے ہیں،پاکستان کے عوام عمران خان کو اپنا وزیر اعظم مانتے ہیںہمیں مسترد شدہ اپوزیشن سے کسی سرٹیفکیٹ کی ضرورت نہیں ۔ اپنے بیان میں انہوں نے کہا کہ عالمی اداروں کی رپورٹس ہماری مرتب کردہ نہیں بلکہ وہ پاکستان کے بہتر ہوتے حالات کو مد نظررکھتے ہوئے ترتیب دی گئی ہیں ۔
حالات میں بہتری آرہی ہے اور نہ صرف پاکستان کے سرمایہ کار وں کا اعتماد بحال ہو رہا ہے بلکہ امریکہ ، چین سمیت دنیا کے دیگر ممالک سے بھی سرمایہ کار پاکستان کا رخ کررہے ہیں ۔ انہوںنے کہاکہ یہ طے ہے کہ حکومت احتساب کے عمل میں ہرگز کوئی رکاوٹ نہیں ڈالے گی اور کسی کو این آر او نہیں ملے گا ،ملک و قوم کی لوٹی ہوئی دولت ہر حال میں واپس لوٹانا ہوگی ۔
