اسلام آ باد (رپورٹنگ آن لائن ) وزیراعظم کے معاون خصوصی برائے سیاسی ابلاغ ڈاکٹر شہباز گل نے کہا ہے کہ عوامی ریلیف نے نااہل اپوزیشن کو بے نقاب کر دیا ہے، آئی ایم ایف کا طعنہ دینے والے آج اسی کے وکیل بنے ہوئے ہیں۔
ڈاکٹر شہباز گل نے شہباز شریف کے بیان پر ردعمل دیتے ہوئے کہا کہ عوامی مفاد کے خلاف ہرزہ سرائی کرنے والی نااہل لیگ کی سیاست دفن ہوچکی ہے، عوام نااہل اپوزیشن کا ہر پینترہ خوب پہنچانتے ہیں۔ شہباز گل نے مزید کہا کہ بہتر ہوتی معیشت کے اثرات اب عام آدمی تک پہنچ رہے ہیں، عالمی منڈی میں پیٹرول قیمتوں میں اضافہ لیکن پاکستان میں کمی نااہل اپوزیشن سے برداشت نہیں۔
