اسلام آباد ( رپورٹنگ آن لائن)قائد حزب اختلاف قومی اسمبلی عمر ایوب خان نے شمالی وزیرستان کے علاقہ میر علی میں کامیاب آپریشن پر سیکورٹی فورسز کو خراج تحسین پیش کرتے ہوئے کہاہے کہ ملک اور قوم کے لیے شہدا کی قربانیاں رائیگاں نہیں جائیں گی۔
اپنے بیان میں عمر ایوب نے میجر حمزہ اسرار اور سپاہی محمد نعیم کو جام شہادت نوش کرنے پر خراج عقیدت پیش کرتے ہوئے کہاکہ ملک اور قوم کے لیے شہدا کی قربانیاں رائیگاں نہیں جائیں گی۔ عمر ایوب نے کہاکہ پاک فوج کے جوانوں کی عظیم قربانیاں باعث فخر ہیں۔
انہوںنے کہاکہ پوری قوم قیام امن کے لیے پاک فوج کے شانہ باشانہ ہیں۔ انہوںنے کہاکہ خیبر پختون خواہ میں عوام کی جان و مال کے تحفظ کے لیے اقدامات ناگزیر ہیں۔ اپوزیشن لیڈر نے کہاکہ پارلیمنٹ میں ہر موقع پر پاک فوج کی غیر متزلزل حمایت کا اعادہ کیا۔
